ஓடித்திரியும் மனதை ஒருங்கே இருந்திட செய்வாய்

[Amritha Varshini]

உ

ஸ்ரீ மஹா பெரியவா மீது ஓர் தமிழ்ப் பாடல் ( கார்த்திகை அனுஷம் 12-12-2023 )

பாடல் இயற்றியவர் - திரு ஆனந்த் வாசுதேவன்

இசை அமைத்துப் பாடியவர் - திருமதி நிஹாரிகா ஸ்ரீகாந்த்

ராகம் – ரேவதி ; ரூபக தாளம்

பல்லவி

ஓடித்திரியும் மனதை ஒருங்கே இருந்திட செய்வாய்
வாடித்துவளும் நிலையை சற்றே மாற்றிட செய்வாய்

அனுபல்லவி

தேடியும் அறியா பொருளே தென்றலாய் நீ வருவாய்
நாடி வந்தோம் திருப்பாதமே நல்லன யாவும் தருவாய்

( ஓடித்திரியும் )

சரணம்

கள்ளமிலா மனமே தொடர் கருணை மழை பொழிவாய்
பிள்ளை குண குருவே நெகிழும் ப்ரேம நிலை அருள்வாய்
எல்லையிலா உருவே என்றும் ஏற்ற நிலை தருவாய்
தில்லை நடராஜனே சூழும் தீயவை முற்றுமே களைவாய்

( ஓடித்திரியும் )