பாததூளி ஸ்பரிசத்தால் பாபங்கள் தீருதய்யா

[Amritha Varshini]

உ

ஸ்ரீ மஹா பெரியவா மீது ஓர் தமிழ்ப் பாடல்

பாடல் இயற்றியவர் - ஸ்ரீ ஆனந்த் வாசுதேவன்

இசை அமைத்துப் பாடியவர் - ஸ்ரீமதி சித்ரா ராகவன்

ராகம் – பேகடா

பல்லவி

பாததூளி ஸ்பரிசத்தால் பாபங்கள் தீருதய்யா - நின்
திவ்யரூப தரிசனத்தால் நன்மைகள் பெருகுதய்யா

சரணம்

மிடியோர் பசிப்பிணி போக்கிடவே
பிடியரிசி திட்டம் வகுத்தாரைய்யா
வேத பண்டிதர் வாழ்வில் ஒளிவீசிடவே
வேத ரக்ஷண நிதி அமைத்தாரைய்யா

( பாததூளி ஸ்பரிசத்தால் )

சாஸ்திர விற்பன்னர் ஞானம் சிறந்திடவே
வித்வத் சதஸ் பல அமைத்தாரைய்யா
அர்ச்சகர் எளியோர் பலர் வாழ்வு சிறந்திடவே
அறக்கட்டளை பல நிறுவினாரய்யா

( பாததூளி ஸ்பரிசத்தால் )