உடனிருந்து காத்தருளும் அன்பு வடிவமே

[Amritha Varshini]

உ

ஸ்ரீ மஹா பெரியவா மீது ஓர் தமிழ்ப் பாடல் ( ஐப்பசி அனுஷம் – 2 / 14-11-2023 )

பாடல் இயற்றியவர் - திரு ஆனந்த் வாசுதேவன்

இசை அமைத்துப் பாடியவர் - திருமதி மோஹனா கிருஷ்ணன்

ராகம் – மனோலயம் ; ரூபக தாளம்

பல்லவி

உடனிருந்து காத்தருளும் அன்பு வடிவமே
அருமருந்து தந்தெமை காக்கும் தெய்வமே

அனுபல்லவி

நோய் நொடிகள் போக்கிடும் வைத்யநாதனே
கரம் தந்து காத்திடும் ஸ்வாமிநாதனே

( உடனிருந்து )

சரணம்

வழி மாறும் சிறு குழந்தை நானல்லவோ
விழி காட்டி அருள் புரிவது நீயல்லவோ
சிந்திக்கும் நல்லறிவு தந்தருளவோ
மன்னித்து அருள் புரிய மனமில்லையோ

( உடனிருந்து )

ராகங்கள் இசைத்திடும் கீதமல்லவோ
வேதங்கள் ஒலித்திடும் பரமனல்லவோ
ஞானிகள் வணங்கிடும் தேவனல்லவோ
ஏழையின் குரலுனக்கு கேட்கவில்லையோ

( உடனிருந்து )