சார்ந்திருப்போம் சிவன் சாரை

[Amritha Varshini]

உ

ஸ்ரீ சிவன் சார் மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசை அமைத்துப் பாடியவர் - திருமதி லதா ஸ்ரீதரன்

ராகம் - சுருட்டி ; ஆதி தாளம்

பல்லவி

சார்ந்திருப்போம் சிவன் சாரை
கூர்ந்து அருளுமே அவர் பார்வை

அனுபல்லவி

படி ஏற்றிடும் அவர் வார்த்தை
மிடி நீக்கிடுமே அவர் வாழ்க்கை

( சார்ந்திருப்போம் )

சரணம்

நீர் அருந்தா தேகம் கொண்ட சித்தரே
சார் எனும் நாமம் கொண்ட உத்தமரே
குருவி போல் சிறிதுண்ணும் பிறவியே
அருவி போல் அருட்பொழியும் துறவியே

( சார்ந்திருப்போம் )

பற்றறு நிலை கொண்ட ஞானியே
வற்றாத க்ருபை புரியும் யோகியே
கற்றவர் மெச்சும் ஒளி விளக்கே
உற்ற துணையாய் இருக்கும் குருவே

( சார்ந்திருப்போம் )