தூக்கிய கரம் தந்து ரக்ஷிப்பாய்

[Amritha Varshini]

உ

சோபகிருத் ஆனி அனுஷத்தை முன்னிட்டு ஸ்ரீ மஹா பெரியவா மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசை அமைத்துப் பாடியவர் - திருமதி ருக்மிணி ஸ்ரீகிருஷ்ணா

ராகம் - சஹானா ; ஆதி தாளம்

பல்லவி

தூக்கிய கரம் தந்து ரக்ஷிப்பாய் - தடை
நீக்கியே அருகினில் சேர்த்திடுவாய்

அனுபல்லவி

சிந்தையில் என்றென்றும் உறைந்திடுவாய்
எந்தையே எமை என்றும் காத்திடுவாய்

சரணம்

செறிவுடன் ஞானம் எமக்கு அருளிடுவாய்
அறிவுடன் வாழ்க்கை பயனுற செய்திடுவாய்
பயம் நீக்கியே நின்னருள் பொழிந்திடுவாய்
லயமாய் நின் பாதம் தந்திடுவாய்