காஞ்சி நகருக்கு வாருங்கள்

[Amritha Varshini]

உ

அனுஷத்தை முன்னிட்டு ஶ்ரீ மஹா பெரியவா மீது ஓர் தமிழ்ப் பாடல்

ராகம் - புன்னாகவராளி ; ஆதி தாளம்

பல்லவி

காஞ்சி நகருக்கு வாருங்கள்
குருவின் தரிசனம் காணுங்கள்

அனுபல்லவி

அருள் மழையில் நனைந்திட வாருங்கள்
ஆனந்தம் பெருகிடும் விரைந்து வாருங்கள்

( காஞ்சி நகருக்கு )

சரணம்

தெய்வத்தின் குரலை ஊன்றி படியுங்கள்
நல்வழி பிறந்திடும் நம்பிக்கை கொள்ளுங்கள்
தீவினை தீர்ந்திடும் தெரிந்து கொள்ளுங்கள்
நல்வினை பெருகிடும் அறிந்து கொள்ளுங்கள்

( காஞ்சி நகருக்கு )

ஆடும்-மனம் அடங்கும் தெரிந்து கொள்ளுங்கள்
வாடும்-நிலை மாறும் புரிந்து கொள்ளுங்கள்
பாதை சீராகும் புரிந்து கொள்ளுங்கள்
வாழ்க்கை பயனுறும் மகிழ்ச்சி கொள்ளுங்கள்

( காஞ்சி நகருக்கு )

பாடல் இயற்றியவர் - திரு ஆனந்த் வாசுதேவன்
இசை அமைத்து பாடியவர் - திருமதி மோஹனா கிருஷ்ணன்



[/b]