|
Post by Amritha Varshini on Jan 7, 2023 6:07:50 GMT 5.5
உ இன்று ஸ்ரீ ரமண ஜெயந்தியை முன்னிட்டு
பகவான் ஸ்ரீ ரமண மஹரிஷி மீது ஓர் தமிழ்ப் பாடல்
பாடல் இயற்றியவர் - ஸ்ரீ ஆனந்த் வாசுதேவன்
இசையமைத்து பாடியவர் - ஸ்ரீமதி உமா சங்கமேஸ்வரன்
ராகம் - ஹிந்துஸ்தானி சுத்த சாரங்
பல்லவி
ஸ்ரீ ராமன் மீண்டும் பிறந்தானடி தோழி
சேதி இங்கு அறிந்தேனடி
அனுபல்லவி
ஆதிரை நாள் இரவினில் புனர்வசுவில்
திருச்சுழியில் ரகசியமாய்
( ஸ்ரீ ராமன் மீண்டும் )
சரணம்
ஆட்சி செய்தது அயோத்தியில் தோழி
அருள் புரிந்தது அருணையில்
அண்ணல் சென்றது வனவாசம் தோழி
ரமணர் இருந்தது மலைவாசம்
( ஸ்ரீ ராமன் மீண்டும் )
சரணம்
வலம் வந்தாரவர் அருள் புரிந்திட தோழி
வலம் செய்தாரிவர் அருள் பொழிந்திட
தர்மத்தில் வழுவாது நின்றார் அன்று தோழி
தர்மமே வணங்கிடும் உருவானார் இன்று
( ஸ்ரீ ராமன் மீண்டும் )
|
|