கைலாயம் விட்டு காஞ்சி வந்தாரடி

[Amritha Varshini]

உ

ஸ்ரீ மஹாபெரியவா மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசையமைத்துப் பாடியவர் - திருமதி லதா ஸ்ரீதரன்

ராகம் - ஹிந்தோளம் - ஏக தாளம்

பல்லவி

கைலாயம் விட்டு காஞ்சி வந்தாரடி தோழி
சேதி இங்கு அறிந்தேனடி

அனுபல்லவி

வைகாசி அனுஷத்தில் விழுப்புரத்தில்
ரகசியமாய் மீண்டும்

( கைலாயம் விட்டு காஞ்சி வந்தாரடி )

சரணம்

புலித்தோல் சூலம் கொண்டார் அங்கே தோழி
காஷாய தண்டம் தரித்தார் இங்கே

உமையுடன் நடனம் களிப்பார் அங்கே தோழி
சுமையுடன் வருவோர்க்கு சுகம் அளிப்பார் இங்கே

( கைலாயம் விட்டு காஞ்சி வந்தாரடி )

வேதப் பொருளே இறங்கி வந்து தோழி
வேத ரக்ஷணம் செய்ததம்மா

விடமுண்டான் தேவரைக் காக்க தோழி
நடமாடும் தெய்வமானார் பக்தரைக் காக்க

( கைலாயம் விட்டு காஞ்சி வந்தாரடி )