அனைத்தும் அறிந்த குருநாதா

[Amritha Varshini]

உ

ஸ்ரீ மஹா பெரியவா மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசையமைத்துப் பாடியவர் - திருமதி மோஹனா கிருஷ்ணன்

ராகம் - வராளி ; ஆதி தாளம்


பல்லவி

அனைத்தும் அறிந்த குருநாதா எனை

அணைத்து நீயும் கண் பாராய்


அனுபல்லவி


தனித்து விளங்கும் குருநாதா எனை

அழைத்து நீயும் அருள் தாராய்

( அனைத்தும் அறிந்த )


சரணம்

அருட்பால் சுரக்கும் காமதேனுவே

நின்னருள் என்றும் பொழிந்திடுவாய்

பொருட்பால் தந்திடும் தயாநிதியே

நின்கிருபை என்றும் நல்கிடுவாய்


( அனைத்தும் அறிந்த )


அழுக்கு மனதை அகற்றிவிடு தூய

எண்ணம் கொண்டு நிரப்பிவிடு

பழுத்த ஞானம் கொடுத்துவிடு

பாங்காய் வாழ்வை அமைத்துவிடு


( அனைத்தும் அறிந்த )