கண்டேன் கண்டேன் கண்டேன் ரமணரை

[Amritha Varshini]

உ

பகவான் ஸ்ரீ ரமண மஹரிஷி மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசையமைத்துப் பாடியவர் - திருமதி காயத்ரி ஆனந்த் மற்றும் திருமதி சுகன்யா ப்ரேம்குமார்

ராகம் - பாகேஸ்ரீ

பல்லவி

கண்டேன் கண்டேன் கண்டேன் ரமணரை
கண்டேன் அருணையில் - நான்

அனுபல்லவி

ஞானியர் வாழும் அண்ணாமலையில்
அழகம்மை பெற்ற அருந்தவப் புதல்வரை

( கண்டேன் கண்டேன் )

சரணம்

தென்திசை தோன்றிய தென்முகக் கடவுளாம்
இன்முகத் தோற்றத்தில் கருணை புரிவராம்

ஞானத்திரள் ஒளிர் பால யோகியாம்
மோன நிலை அருள் ஆத்ம ஞானியாம்

காலனை வென்ற அருட்ஜோதி நீயே
ரமணா ரமணா ரமணா என்று உனைத்தேடி

( கண்டேன் கண்டேன் )