உன்னடியாரில் எனையும் ஒருவனாய் கருதலாகாதோ

[Amritha Varshini]

உ

ஸ்ரீ மஹாபெரியவா மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசையமைத்துப் பாடியவர் - திருமதி சுபாஷினி ஸ்ரீசைலன்

கீ போர்டு - திரு பிரசன்னா ஸ்ரீசைலன்


ராகம் – பாகேஸ்ரீ


பல்லவி


உன்னடியாரில் எனையும் ஒருவனாய் கருதலாகாதோ -

காஞ்சி மாமுனியே


சரணம்


மலைபோலே கடமை பெருகி இருந்திட

சிலைபோலே நானும் தயங்கி நின்றிட

விலையின்றி என் மனம் சற்றே துடித்திட

நிலையின்றி நின் ஸன்னிதி அடைந்திட


( உன்னடியாரில் )


தெய்வத்தின் குரல் காதிலங்கே ஒலித்தது

செய்யும் செயல் யாவும் நன்றாய்ப் புரிந்தது

மையல் மயக்கம் விட்டு விலகிச் சென்றது

உய்யும் வழி நன்றாய்த் தானே தெளிந்தது


( உன்னடியாரில் )