நல்வழி பிறந்திட அருள் புரிவாய் கணபதியே

[Amritha Varshini]

உ

பிள்ளையார் மீது ஓர் தமிழ்ப் பாடல்

பாடல் இயற்றியவர் - திரு ஆனந்த் வாசுதேவன்

இசையமைத்து பாடியவர் - திருமதி உமா சங்கமேஸ்வரன்


ராகம் – பூர்வி கல்யாணி


பல்லவி


நல்வழி பிறந்திட அருள் புரிவாய் - கணபதியே

உள்ளொளி ஒளிர்ந்திட வரம் தருவாய்


சரணம்


மண்ணால் செய்த உருவம் வாங்கிடுவோம்

கண்ணாரக் கண்டு அலங்காரம் செய்திடுவோம்

விண்ணோரும் மகிழ அர்ச்சனை செய்திடுவோம் - தமிழில்

பண்ணிசைத்து உள்ளம் குளிர்ந்திடுவோம்


( நல்வழி பிறந்திட )


அருகம்புல் பறித்து அர்ச்சனை செய்திடுவோம்

கரும்பும் வெல்லமும் உனக்கு தந்திடுவோம் - கற்பக

தருவாய் நலம்பல நல்கிடுவாய் - கணபதியே

குருவாய் வந்தருள் ஞானமும் தந்திடுவாய்


( நல்வழி பிறந்திட )