அனுஷ மலர் பூத்தது

[Amritha Varshini]

உ

ஸ்ரீ மஹாபெரியவா மீது ஓர் தமிழ்ப் பாடல்

பாடல் இயற்றியவர் - ஸ்ரீ ஆனந்த் வாசுதேவன்

இசையமைத்துப் பாடியவர் - ஸ்ரீமதி மோஹனா கிருஷ்ணன்

ராகம் – சுமனேச ரஞ்சனி / மிஸ்ரசாபு தாளம்

பல்லவி

அனுஷ மலர் பூத்தது தோழி என் மனதில்

அனுபல்லவி

அதை சமர்ப்பணம் செய்திடுவேன்
அனுதினமும் அவர் திருவடியில்

( அனுஷ மலர் )

சரணம்

நினைக்காத நாளில்லை தொழாத பொழுதில்லை
படிக்காத நேரமில்லை பாராது நிலையில்லை
எண்ணாமல் முடியவில்லை காணாது காட்சியில்லை
உருகாத மனமில்லை பாடியது போதவில்லை

( அனுஷ மலர் )

கலத்தில் சிறைப்பட்ட பறவை போலே சுற்றி வந்தேன்
நிலத்தில் நடமாடிய தெய்வத்தை பற்றிக் கொண்டேன்
தலத்தில் இன்மை நீக்கும் மஹானை அறிந்து கொண்டேன்
நலத்தில் அருளும் குருவின் மேன்மை தெரிந்து கொண்டேன்

( அனுஷ மலர் )