குருவருள் ஒன்றே நமக்கு போதுமே

[Amritha Varshini]

உ

குருவின் மேன்மை பற்றி ஓர் தமிழ்ப் பாடல்

ராகம் – தர்மவதி / ஏக தாளம்

பல்லவி

குருவருள் ஒன்றே நமக்கு போதுமே
திருவருள் என்றும் நமக்கு நல்கிடுமே

அனுபல்லவி

இக்கலிதனிலே உழலும் நம்மைக் கடைத்தேற்றிட
இப்புவிதனிலே என்றும் சிறப்பாய் நாம் வாழ்ந்திட

( குருவருள் ஒன்றே நமக்கு போதுமே )

சரணம்

குருவின் திருவுருவை நித்தம் நாம் நினைத்திடுவோம்
குருவின் திருவடியைப் போற்றி நாம் வணங்கிடுவோம்

( குருவருள் ஒன்றே நமக்கு போதுமே )

குருவின் கீதை கேட்டு அதன்வழி நாம் நடந்திடுவோம்
குருவின் பாதுகை நமை காத்திடும் என்றே தெளிந்திடுவோம்

( குருவருள் ஒன்றே நமக்கு போதுமே )

பாடல் இயற்றியவர் - ஸ்ரீ ஆனந்த் வாசுதேவன்
இசையமைத்து பாடியவர் - ஸ்ரீமதி சுபாஷினி ஸ்ரீசைலன்
கீபோர்டு - ஸ்ரீ பிரசன்னா ஸ்ரீசைலன்