திருவாரூரில் உதித்த த்யாகப்ருஹ்மமே

[Amritha Varshini]

உ

ஸ்ரீ தியாகராஜர் மீது ஓர் தமிழ்ப் பாடல்

ராகம் – கரஹரப்ரியா | தாளம் - ஆதி

பல்லவி

திருவாரூரில் உதித்த த்யாகப்ருஹ்மமே
திருவையாறில் பொழிந்த நாதப்ருஹ்மமே

சரணம்

மூச்சுக் காற்றினிலே ராமநாமம் ஒலிக்கும்
ரோம கூபத்திலும் திவ்யநாமம் இசைக்கும்
சப்த ஸ்வரங்களும் உன்னிடம் அடைக்கலம்
பக்தி ப்ரவாஹமே உந்தன் இலக்கணம்

( திருவாரூரில் உதித்த )

உஞ்சவிருத்தி எடுத்து காலக்ஷேபம் செய்தாய்
கொஞ்சிடும் தெலுங்கினில் கீர்த்தனை இசைத்தாய்
பஞ்சரத்னம் தொடுத்து அர்ச்சனை செய்தாய்
விஞ்சிடும் பக்தியால் ராமனைக் கண்டாய்

( திருவாரூரில் உதித்த )

பாடல் இயற்றியவர் - ஸ்ரீ ஆனந்த் வாசுதேவன்
இசையமைத்து பாடியவர் - ஸ்ரீமதி ருக்மிணி ஸ்ரீகிருஷ்ணா