அஞ்சலி செய்து நிற்கும் அஞ்சனை மைந்தனே

[Amritha Varshini]

உ

ராகம் – மதுவந்தி

அஞ்சிலே ஒன்று பெற்றான் அஞ்சிலே ஒன்றைத் தாவி
அஞ்சிலே ஒன்று ஆறு ஆக ஆரியர்க்காக ஏகி
அஞ்சிலே ஒன்று பெற்ற அணங்கைக் கண்டு அயலாரூரில்
அஞ்சிலே ஒன்றை வைத்தான் அவன் எம்மை அளித்துக் காப்பான்

- கம்ப ராமாயணம்

பல்லவி

அஞ்சலி செய்து நிற்கும் அஞ்சனை மைந்தனே
உமை அனுதினம் தொழுதிட எமக்கருள்வாயே

சரணம்

அன்னையை மீட்கவே காற்றாய் விரைந்தாய்
சோகம் நீங்கிடவே ராமகாதை உரைத்தாய்
நம்பிக்கை வந்திட கணையாழி கொடுத்தாய்
அன்பின் பரிசாக சூடாமணியைப் பெற்றாய்

( அஞ்சலி செய்து நிற்கும் )

ராவணனைக் கண்டு சரிசமமாய் அமர்ந்தாய்
ராமனைச் சேவித்து கண்டேன் சீதையை என்றாய்
ராமசேது அமைந்திட பேருதவி புரிந்தாய்
ராமனை மனத்திருத்தி என்றும் சிரஞ்சீவியானாய்

( அஞ்சலி செய்து நிற்கும் )



பாடல் - ஸ்ரீ ஆனந்த் வாசுதேவன்
இசையமைத்து பாடியவர் - ஸ்ரீமதி ருக்மிணி ஸ்ரீகிருஷ்ணா