ஆட்கொண்டருளிய அற்புதமே

[Amritha Varshini]

உ

ராகம் – காம்போதி

பல்லவி

ஆட்கொண்டருளிய அற்புதமே
திருவாசகம் தந்த நம் மணிவாசகனை

சரணம்

வாதவூரினில் தோன்றியருளிய மணிவாசகம்
வேதமிகு பெருமை கொண்ட அருள்வாசகம்
கீதமினிய குயிலிசையாம் இவ்வாசகம்
நாதன் பாதந்தனை அடைந்திடும் திருவாசகம்

( ஆட்கொண்டருளிய )

ஊனினையுருக்கி உள்ளொளி பெருக்கும் ஒருவாசகம்
தேனினுமினிக்கும் தேவனைப் போற்றும் மணிவாசகம்
பொன்னம்பலத்தவன் எழுதி கைச்சாத்திட்ட அருள்வாசகம்
நானழித்து மறைபொருள் உணர்த்துமிந்த திருவாசகம்

( ஆட்கொண்டருளிய )


பாடல் இயற்றியவர் - திரு ஆனந்த் வாசுதேவன்

இசையமைத்து பாடியவர் - திருமதி சுபாஷினி ஸ்ரீசைலன்

கீபோர்டு - திரு பிரசன்னா ஸ்ரீசைலன்