மன்னித்து அருள் புரிவாயம்மா

[Amritha Varshini]

உ

ராகம் – ரஞ்சனி


பல்லவி

மன்னித்து அருள் புரிவாயம்மா
காஞ்சி நகர் மேவும் காமாக்ஷியே

பல்லவி

எண்ணற்ற பிழைகளை செய்த இச்சிறியேனை
கண்ணுற்று கைபிடித்து காத்தருள வேணுமம்மா

( மன்னித்து அருள் புரிவாயம்மா )

சரணம்

அன்பினால் என் மெய் விதிர்க்க வேணுமம்மா
என்புருக எப்போதும் உனை நினைத்திட வேணுமம்மா
கண்ணீர் ததும்பி உள்ளம் கரைந்திட வேணுமம்மா
கழலினை நீங்காமல் பற்றி நின்றிட வேணுமம்மா

( மன்னித்து அருள் புரிவாயம்மா )

செடியாய வல்வினைகள் நீங்கிட வேணுமம்மா
வடிவாய் நின் தரிசனம் கிடைத்திட வேணுமம்மா
மிடியோர்க்கு பொருள் தந்து காத்திட வேணுமம்மா
அடியார்க்கு அருள்நிதி என்றும் தந்திட வேணுமம்மா

( மன்னித்து அருள் புரிவாயம்மா )


பாடல் - ஸ்ரீ ஆனந்த் வாசுதேவன்
இசையமைத்து பாடியவர் - கோவை ஸ்ரீமதி லக்ஷ்மி கௌசிகன்

soundcloud.com/user-919247127/manniththu-arul-purivai-amma