அம்மா காமாக்ஷி

[Amritha Varshini]

உ

ராகம் - ஹம்சானந்தி

பல்லவி

அம்மா காமாக்ஷி உனது கரிசனத்தை
கொஞ்சம் என்னிடமும் கடாக்ஷி

அனுபல்லவி

இவ்வுலகில் யாதொரு உபாயமின்றி
நீயே கதியென்று சந்நிதி அடைந்தேன்

( அம்மா காமாக்ஷி )

சரணம்

புவனம் அனைத்தும் நினது புன்னகையால்
மலர்விக்கும் புவனேஸ்வரி
உன் பதமலர் தனை தொழுவோர்க்கு
அபயம் நல்கிட வேண்டுமம்மா

( அம்மா காமாக்ஷி )

அகில நாயகனுக்கு அன்னம் பாலித்து
அருளிய அன்னபூரணியே
இவ்வுலகினில் வறியோர் வயிறு
என்றும் குளிர வேண்டுமம்மா

( அம்மா காமாக்ஷி )

ஆதிசங்கரர் போற்றிய காமாஷி நீயே
பரமஹம்சர் துதித்த காளிகாம்பாள் நீயே
அபிராமி பட்டர் பாடிய அந்தாதி நீயே
காளிதாசனை பாட வைத்த அன்னையும் நீயே

( அம்மா காமாக்ஷி )

பாடல் - ஆனந்த் வாசுதேவன்
இசை அமைத்து பாடியவர் - திருமதி ருக்மிணி ஸ்ரீகிருஷ்ணா

பாடலை கேட்க கீழுள்ள உரலியை சொடுக்கவும்

soundcloud.com/amritha-varshini-836751731/amma-kamakshi