தஞ்சம் அடைந்தேன் நின் திருவடியில்

[Amritha Varshini]

உ

ராகம் – ஹிந்தோளம்

பல்லவி

தஞ்சம் அடைந்தேன் நின் திருவடியில்
நெஞ்சம் நெகிழ்ந்தேன் என் மனகுகையில்

அனுபல்லவி

அபயம் தந்து நற்றிசை காட்டி கரை சேர்த்திடுவாய்
காஞ்சிநகர் உறையும் ஜகத்குருவே

( தஞ்சம் அடைந்தேன் )

சரணம்

இதயத்தில் எப்பொழுதும் நின்னுருவம் கண்டோம்
உதயத்தில் அனுதினம் நின்பாதம் பணிந்தோம்
நின்நாமம் சொல்லி பூமலர் தூவிடுவோம்
நாளும் பணிந்து நின்புகழ் பாடிடுவோம்

( தஞ்சம் அடைந்தேன் )

பிழைகளைப் பொறுத்து சற்றே அருளிடுவாய்
வினைகளைக் களைந்து எமக்கு ஒளிதருவாய்
பாதம் பணிந்து உமைத்தொழ வரம் தந்திடுவாய்
நாளும் நல்வழி காட்டி எமைக் காத்திடுவாய்

( தஞ்சம் அடைந்தேன் )

பாடல் - ஸ்ரீ ஆனந்த் வாசுதேவன்
இசையமைத்து பாடியவர் - ஸ்ரீமதி லக்ஷ்மி

www.reverbnation.com/anandavarshini/song/32618039-thanjam-adainthen