தத்வமஸி மறை பொருள் உணர்த்திட வேண்டுகிறேன் - ஐயப்பா

[Amritha Varshini]

ராகம் - ஹம்சநாதம்

பல்லவி

தத்வமஸி மறை பொருள் உணர்த்திட வேண்டுகிறேன் - ஐயப்பா

அனுபல்லவி

பரம்பொருள் ஒன்று சபரியில் அமர்ந்தருள
அலைகடலென வரும் அடியவர்க்கு நின்னருளால்

( தத்வமஸி )

சரணம்

இருமுடி கொண்டவரின் மனக்கவலை தீருமே
திருநாமம் சொல்வோரின் வல்வினைகள் மாயுமே
முவ்வாறு படி ஏற அழுக்காறு நீங்குமே
அவ்வாறு மனமாசுகள் யாவும் ஒழியுமே

( தத்வமஸி )

அருட்பெருஞ்ஜோதி இங்கு மகர ஜோதியாய் ஒளிரும்
தனிப்பெரும் கருணை கொண்டு பக்தர்களை காத்தருளும்
அபயம் தேடி வருவோர்க்கு வேண்டுவது அருளுமே - வேறு
உபாயமின்றி சரணடைய முக்தியது நல்குமே

( தத்வமஸி )

ஆக்கம் - ஆனந்த் வாசுதேவன்
இசை அமைத்து பாடியவர் - திருமதி ருக்மிணி ஸ்ரீகிருஷ்ணா

Soundcloud
soundcloud.com/amritha-varshini-836751731/aud-20171123-wa0000